اخبار جهان

ایران: د خوزستان ترانزیټي ظرفیتونه افغانستان د خلیج فارس بازارونو سره نښلولی شي

اشتراک گذاری:

(بریانیو جمعه (۲۲/ عـقـرب/۱۴۰۵هـ.ش

د ایران د اهواز د سوداګرۍ خونې منشي ویلي چې د خوزستان ولایت بندري، سړکیز او د رېل‌پټلۍ ظرفیتونه کولای شي افغانستان د عراق، متحده عربي اماراتو، کویټ او د خلیج فارس له نورو بازارونو سره ونښلوي

نوموړي ویلي، د دغو ترانزیټي لارو او زیربناوو پراختیا به د افغانستان د سوداګریزو توکو د لېږد لګښتونه او وخت راکم کړي او سیمه‌ییزې سوداګریزې اړیکې به لا پیاوړې کړي

د خوزستان بندري او ترانسپورتي ظرفیتونه د افغانستان لپاره د سیمه‌ییزو بازارونو پر لور د سوداګریزو لارو د پراختیا په برخه کې مهم بلل کېږي

دا څرګندونې په داسې حال کې کېږي چې افغانستان هڅه کوي د سیمه‌ییزې سوداګرۍ او ترانزیټ په برخه کې بدیلې لارې پراخې او له ګاونډیو او د سیمې له هېوادونو سره خپلې اقتصادي اړیکې پیاوړې کړي