اخبار فوری
فــــهــــيـــم شـاهـیـن
30 میزان 1404
152
کابل – د افغانستان د کورنیو چارو وزارت اعلان کړی چې د هېواد د بیلابیلو سیمو څخه ۶۰ تنه د نشهيي توکو روږدي کسان د پولیسو له خوا راټول او د درملنې لپاره روغتیایي مرکزونو ته لېږل شوي دي
د وزارت د معلوماتو له مخې، دغه معتادین د بلخ، پروان، لغمان، فراه، سمنگان او کاپیسا ولایتونو څخه د مخدره موادو پر ضد د مبارزې پولیسو له لوري نیول شوي او اوس د درملنې تر پړاو لاندې دي
د کورنیو چارو وزارت وايي، دا لړۍ به دوام ولري تر څو هغه وګړي چې د نشهيي توکو له امله د ژوند له نورمال حالت څخه بېبرخې شوي، بېرته روغ او ټولنې ته ګټور وګړي وګرځي
په اعلامیه کې زیاته شوې:
د مخدره موادو پر ضد مبارزه زموږ جدي ملي تعهد دی، او موږ هڅه کوو چې نه یوازې قاچاق کوونکي وځپو، بلکې روږدي کسان هم د درملنې له لارې عادي ژوند ته راستانه کړو
په وروستیو میاشتو کې د نشهيي توکو پر وړاندې د طالبانو د حکومت عملیات زیات شوي، او ګڼ شمېر کسان د ښارونو او لارو له څنډو راټول شوي دي
کارپوهان وايي، د درملنې ترڅنګ باید د روږدو کسانو د کاري او ټولنیز بیا ادغام لپاره هم اوږدمهاله پروګرامونه طرحه شي، څو هغوی بېرته د اعتیاد له خطره وژغورل شي او د یوه سالم ژوند پیل وکړي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF