اخبار فوری
فــــهــــيـــم شـاهـیـن
13 عقرب 1404
127
نصیر احمد فایق، د افغانستان دایمي استازی په ملګرو ملتونو کې، له نړیوالې ټولنې وغوښتل چې د هېواد د شمال زلزلهځپلو کورنیو ته بېړنۍ مرستې ورسوي او د هغوی د ژغورنې لپاره سمدستي اقدام وکړي
هغه د دوشنبې په ورځ (د لړم ۱۲مه) په خپل پیغام کې چې د «ایکس» ټولنیزې شبکې له لارې یې خپور کړی، د بلخ، سمنګان او بغلان ولایتونو د قربانیانو کورنیو سره خپله ژوره خواخوږي او همدردي څرګنده کړه
فایق لیکلي دي: «په دې سختو او دردناکو شېبو کې د هغو افغانانو تر څنګ ولاړ یو چې د زلزله له امله یې خپل عزیزان له لاسه ورکړي یا یې کورونه ویجاړ شوي دي. له ټولو بشري بنسټونو غوښتنه کوو چې بېځنډه د مرستې لاس ورکړي
هغه زیاته کړه، چې زرګونه کورنۍ بېسکانه شوي او د خوراک، سرپناه او درملنې بیړنیو مرستو ته سخته اړتیا لري
فایق له نړیوالې ټولنې وغوښتل چې د افغان زلزلهځپلو د ژغورنې او بیا رغونې په برخه کې خپله انساني او اخلاقي دنده تر سره کړي، څو د دغې فاجعې قربانیان له لا زیاتو ستونزو وژغورل شي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF