اخبار جهان

یو افغان ډاکټر په ناروې کې د سترګو درملنې تر ټولو لوړه مډال وګاټه

اشتراک گذاری:

د ناروې د سترګو ډاکټرانو ټولنې د "پروفیسر یالمر شایټس یادغونډې مډال" د افغانستان وتلي مهاجر ډاکټر کریم شریف امیني ته ورکړی دی — دا مډال د سترګو درملنې په برخه کې د دغه هېواد تر ټولو لوړه ساه‌ستاینه ګڼل کېږي

دا ویاړ هغه ته د تیرې جمعې په ورځ د یو شاندار مراسمو پر مهال د برګن په ښار کې ورکړل شو. ډاکټر امیني، چې ۶۶ کلن دی، له څو لسیزو راهیسې د ناروې په روغتونونو کې د سترګو د ناروغیو په تشخیص او درملنه کې ځانګړې لاسته‌راوړنې لري

د ناروې د سترګو ډاکټرانو ټولنې د ده د غوره څېړنو، انساني خدمتونو او د سترګو د جراحۍ په برخه کې د نوښتونو ستاینه وکړه او ویې ویل، چې "ډاکټر امیني د طبابت د اصولو، ژمنتیا او بشري خدمت سمبول دی

ډاکټر کریم شریف امیني، چې له افغانستانه د جګړو له امله ناروې ته مهاجر شوی و، د خپلو زحمتونو، علمي کارونو او اخلاص له لارې وتوانېد، نه یوازې په ناروې، بلکې د اروپا په علمي حلقو کې هم ځانګړې پېژندګلوي ومومي

نوموړي له مډال تر لاسه کولو وروسته په خپلو خبرو کې وویل :

دا ویاړ یوازې زما نه، بلکې د ټولو افغان ډاکټرانو، مهاجرو او هغو خلکو لپاره دی، چې له ستونزو سره سره د انسانیت خدمت ته ژمن پاتې دي

د ناروې ډاکټرانو ټولنې زیاته کړه، چې دا لومړی ځل دی یو افغان ډاکټر ته دغه ملي مډال ورکول کېږي — یو افتخار چې د افغانستان د طبي ظرفیتونو او استعدادونو ښکارندوی د