اخبار فوری
فــــهــــيـــم شـاهـیـن
02 جدی 1404
12
دوحه – د طالبانو د حکومت سفیر په دوحه کې د افغانستان لپاره د پولنډ له ځانګړي استازي سره لیدنه کړې او د دواړو لورو ترمنځ د اړیکو، قونسلي همکاریو او بشري مرستو په اړه یې خبرې کړې دي
محمد سهیل شاهین، په قطر کې د طالبانو د حکومت سفیر، د ویتولد سوبکو، د افغانستان لپاره د پولنډ له ځانګړي استازي سره په دې ناسته کې د دوهاړخیزو اړیکو پر پراختیا، د افغان وګړو لپاره د قونسلي خدمتونو پر اسانتیا او د بشري مرستو پر دوام بحث کړی دی
د غونډې په جریان کې دواړو لورو ټینګار کړی چې بشري مرستې د افغانستان د اوسنیو شرایطو په نظر کې نیولو سره ځانګړی اهمیت لري او باید له سیاسي مسایلو جلا وساتل شي. همدارنګه ویل شوي چې د افغان وګړو ستونزو ته د رسېدنې لپاره عملي همغږي او دوامدارې اړیکې اړینې دي
سرچینې وایي، دا ډول لیدنې د طالبانو د حکومت لهخوا له اروپایي هېوادونو سره د اړیکو د پراخولو هڅې ښيي، په ځانګړي ډول په هغو برخو کې چې د بشري مرستو او قونسلي اسانتیاوو سره تړاو لري
تر اوسه د پولنډ د حکومت لهخوا د دې لیدنې په اړه نور جزییات نه دي خپاره شوي، خو شنونکي باور لري چې دا خبرې اترې کولی شي د بشري همکاریو په برخه کې د دواړو لورو ترمنځ د باور د فضا د رامنځته کېدو لامل شي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي