چین د ویتنام پر پوله د ځیرکو روباټونو د کارولو نوې پالیسي پیلوي

چین به لومړنی هېواد شي چې له ویتنام سره خپلې پولې د پرمختللو ځیرکو روباټونو له لارې کنټرولوي؛ دا یو بې‌ساری ګام دی چې د سرحدي امنیت، ټکنالوژۍ او مصنوعي ځیرکتیا په برخه کې د بیجینګ نوې ستراتیژي ښيي د راپورونو له مخې، چین د دې پروژې د پلي کولو لپاره له مشهورې ټکنالوژیکې کمپنۍ شینزن یوبي‌ ټیک

سره د شاوخوا ۳۷ میلیونه امریکایي ډالرو په ارزښت تړون لاسلیک کړی دی. د دې تړون له مخې به یادې کمپنۍ د پنځم نسل په کچه د 

ماډل لوی شمېر انسان‌نما روباټونه چین ته جوړ کړي

د روباټونو ځانګړتیاوې

دا پرمختللي روباټونه د عادي انسان په څېر د تګ، درېدو او حرکت وړتیا لري او کولای شي په ناهمواره سیمو کې هم په اسانۍ تګ راتګ وکړي. د دغو روباټونو مهمې ځانګړتیاوې دا دي:

د خپلو پرېکړو کولو وړتیا

د خپلې بیټرۍ د بدلولو توان پرته له انساني مرستې

د شاوخوا چاپېریال درک او تحلیل

د بېلابېلو ماموریتونو پر مهال خپلواکه عمل

دغه روباټونه شاوخوا ۱،۷۶ متره قد لري، چې د انسان له منځني قد سره برابر دي، او د انساني فعالیتونو د تقلید لپاره پرمختللي سنسرونه او کمرې لري.

د کار ساحه؛ له سرحدي کنټرول تر دولتي ماموریتونو

د چین د چارواکو په وینا، دا انسان‌نما روباټونه به د ګوانګ‌شي په سیمه کې، چې د چین او ویتنام ترمنځ مهمه سرحدي کرښه ده، ځای پر ځای شي. د دوی دنده به یوازې امنیتي نه وي، بلکې لاندې برخې به هم پوښي:

د سرحدي مسافرو لارښوونه او څارنه

د تګ راتګ منظم کنټرول

لوژستیکي چارې او اکمالات

بیړني حالتونه او دولتي ماموریتونه

شنونکي وایي، د روباټونو کارول به د انساني ځواک اړتیا کمه کړي او د سرحدي چارو موثریت به څو چنده لوړ کړي.

ستراتیژیک او سیمه‌ ییز اهمیت

دا ګام د چین له لوري د مصنوعي ځیرکتیا په کارولو سره د ملي امنیت د پیاوړتیا یوه مهمه نښه ګڼل کېږي. ځینې نړیوال شنونکي باور لري چې دا اقدام ښيي چین غواړي د سرحدي کنټرول په برخه کې د نړۍ لپاره یو نوی ماډل رامنځته کړي

په عین حال کې، دا پروژه ښيي چې راتلونکی امنیتي سیستمونه به تر ډېره پر روباټونو، مصنوعي ځیرکتیا او اتومات ټکنالوژۍ ولاړ وي، نه یوازې پر انساني ځواک

د چین دا نوښت د نړۍ پام ځانته اړولی او تمه ده چې نور هېوادونه هم په راتلونکو کلونو کې ورته ټکنالوژیکې لارې تعقیب کړي