د کابل ښارنو کې چاودنه؛ طالبان وايي د ګاز بالون د چاودنې له امله رامنځته شوې

اشتراک گذاری:

بریانیوز:( دوشنبه۲۹ جدی۱۴۰۴) د دوشنبې په ورځ له غرمې وروسته د کابل ښار د ښارنو په سیمه کې د یوې چاودنې راپور ورکړل شو، چې د سیمې اوسېدونکو کې یې اندېښنه راپارولې ده

د طالبانو چارواکو د ټولنیزې شبکې ایکس له لارې د پېښې انځور خپور کړی او ویلي یې دي چې یاده پېښه د کابل د ګل‌فروشي کوڅې په یوه رستورانت کې د ګاز بالون د چاودنې له امله رامنځته شوې ده

د طالبانو د څرګندونو له مخې، دا پېښه امنیتي بڼه نه لري، خو تر دې دمه د احتمالي مرګ‌ژوبلې، ټپیانو او یا مالي زیانونو په اړه نور جزیات نه دي خپاره شوي

عیني شاهدان وايي چې د چاودنې غږ په پراخه کچه اورېدل شوی او د پېښې ځای ته امنیتي ځواکونه رسېدلي دي

چارواکو تر اوسه د پېښې د دقیقو لاملونو او پایلو په اړه بشپړ معلومات نه دي شریک کړي، او تمه ده چې وروسته به نور وضاحت وړاندې شي