کابل – بې‌پولې ډاکتران: د بېړنۍ او تخصصي درملنې نشتون د افغانستان د ټپيانو ژوند ګواښي

بريانيوز:(پنجشنبه۲دلو ۱۴۰۴) کابل – د بې‌پولې ډاکترانو بنسټ وايي، په افغانستان کې بېړنیو او تخصصي روغتيايي خدمتونو ته محدود لاسرسی لا هم د ټپيانو ژوند له جدي خطر سره مخ کړی او په ډېرو پېښو کې د ژوند او مرګ ترمنځ واټن يوازې څو شېبو ته راکمېږي

د کندز د يو ماشوم دردناکه کيسه

د ياد بنسټ د معلوماتو له مخې، اسحاق نومی شاوخوا اته کلن ماشوم د کندز ولايت په يوه سيمه کې د لوبو پر مهال له يوې نااشنا چاودېدونکې وسيلې سره مخ شو. ماشوم دغه شي وموند او د خلاصولو پر مهال يې چاودنه وکړه، چې له امله يې هغه سخت ټپي شو

د کورنۍ پر وخت اقدام

بې‌پولې ډاکتران وايي، د اسحاق کورنۍ د وخت له ضايع کېدو پرته د هغه د شديدې وينې بهېدنې د بندولو هڅه وکړه او د يو دستمال په وسيله يې ټپ وتړه، وروسته يې ماشوم په بيړه روغتون ته ورساوه. د روغتيايي ټيم په وينا، همدغه چټک اقدام د ماشوم د ژوندي پاتې کېدو لپاره پرېکنده رول ولوباوه

روغتيايي حالت

د کندز د ټپيانو د درملنې د مرکز مسوولين وايي، اسحاق له ژورو ټپونو، د بدن د څو هډوکو له ماتېدو او له سختو داخلي ټپونو سره روغتون ته راوړل شوی و. د هغه حالت ډېر نازک و او ژوند يې له جدي ګواښ سره مخ و

بېړنۍ درملنه

د راپور له مخې، روغتيايي ټيم سمدستي حياتي ګامونه واخيستل، چې پکې د ساه اخيستلو لاره پرانيستې ساتل، د بدن د اوبو پوره کول او د مکروبي ناروغيو پر ضد درمل ورکول شامل وو. ډاکتران وايي، همدغه لومړني اقدامات د ماشوم د ژوند ژغورلو بنسټ وګرځېدل

د وينې شديد انتان

بې‌پولې ډاکتران زياتوي، اسحاق په راتلونکو ورځو کې د وينې له شديد انتان سره مخ شو او وروسته يې حالت ډېر خراب شو؛ داسې حالت چې د بدن مهم غړي له کاره غورځولی شي. د ډاکترانو په وينا، هغه د اوږدې مودې لپاره په ناپايداره حالت کې و او د ژوندي پاتې کېدو هيلې ډېرې کمزورې وې

د جراحي ځنډ

د ماشوم د خراب حالت له امله، ډاکتران ونه توانېدل چې سمدستي جراحي پرې ترسره کړي. نوموړی د روغتيايي ټيم تر دوامدارې څارنې لاندې ساتل کېده او کورنۍ ته د حالت د جدي والي په اړه څرګندې خبرې شوې وې

ورو، خو هيله‌بښونکی ښه والی

د راپور له مخې، شاوخوا يوه اوونۍ وروسته د اسحاق حالت ورو ورو ښه شو، له خطرناک پړاو څخه ووت او وروسته پرې څو جراحي عمليات ترسره شول، چې له دوو سوو زيات ګنډل پکې شامل وو. که څه هم د هغه د روغېدو بهير ورو دی، خو ډاک