مقاله

تهران — د ايران د نوي لارښود ټاکنه؛ د خلکو لپاره د ډاډ او يووالي زېرى

اشتراک گذاری:

بریانیوز:(دوشنبه،۱۸حوت۱۴۰۴)

د ايران د اسلامي شورا د جرګې مشر محمدباقر قالیباف د يو پيغام له لارې د آيت الله سيد مجتبی حسيني خامنه اي د نوي لارښود په توګه د ټاکنې هرکلی کړی او دا پرېکړه يې پخه او سمه بللې ده

هغه ويلي دي چې دا ټاکنه د سختو حالاتو په مهال د ايران د خلکو لپاره د ډاډ او ارام زېرى ګرځېدلې ده. د ده په وينا دغه پرېکړه د هېواد د دښمنانو هيلې هم مړې کړې دي او خلکو ته يې د باور نوې هيله ورکړې ده

قالیباف ټينګار کړی چې د هېواد چارواکي او ولس بايد د يووالي او ګډ ځواک په ساتلو سره د نوي لارښود تر شا ودرېږي او د اسلامي پاڅون د موخو د ساتنې لپاره ګډ ګامونه واخلي

هغه زياته کړې چې د خلکو يووالی، ټينګ هوډ او ګډ کار کولی شي هېواد له ستونزو وباسي او د راتلونکې لپاره د بريا او سوکالۍ لاره هواره کړي