کرملين وايي د بنديزونو په کمېدو سره د روسيې او امريکا ګټې يو بل ته نږدې شوې

کرملين وايي د بنديزونو په کمېدو سره د روسيې او امريکا ګټې يو بل ته نږدې شوې

بریانیوز:(شنبه،۲۳ حوت۱۴۰۴)

د کرملین چارواکو ويلي چې د بنديزونو د کمېدو او د اقتصادي فشارونو د نرمېدو له امله د روسیه او د امریکا متحده ایالات تر منځ ځينې ګډې ګټې يو بل ته نږدې شوې دي

د کرملين د څرګندونو له مخې، د بنديزونو نرمښت کولی شي د دواړو هېوادونو تر منځ د اقتصادي او سياسي اړيکو د ښه کېدو لپاره زمينه برابره کړي. چارواکو ويلي چې مسکو تل هڅه کړې چې له واشنګټن سره خپلې اړيکې د متقابل احترام او ګډو ګټو پر بنسټ وساتي

د روسيې د حکومت وياند ټينګار کړی چې د بنديزونو دوام نه يوازې د روسيې پر اقتصاد اغېز کوي، بلکې د نړيوال اقتصاد لپاره هم ستونزې رامنځته کوي. د هغه په وينا، که اقتصادي محدوديتونه کم شي، ښايي د دواړو هېوادونو تر منځ د سوداګرۍ او همکارۍ نوې لارې پرانيستل شي

په وروستيو کلونو کې د روسیه او د امریکا متحده ایالات تر منځ اړيکې د سياسي اختلافاتو او نړيوالو کړکېچونو له امله ډېرې ترینګلې شوې وې. خو د کرملين وروستۍ څرګندونې ښيي چې مسکو هيله لري د بنديزونو په کمېدو سره به د دواړو هېوادونو تر منځ د اړيکو يو نوی پړاو پيل شي

سياسي شنونکي وايي چې که څه هم د دواړو هېوادونو تر منځ لا هم ژور اختلافات شته، خو د بنديزونو نرمښت ښايي د خبرو اترو او ډيپلوماتيکو هڅو لپاره يو فرصت برابر کړي

دوی باور لري چې د نړۍ دوه سترو قدرتونو تر منځ د اړيکو ښه کېدل کولی شي پر نړيوال اقتصاد، امنيت او سياسي ثبات مثبت اغېز ولري