مقاله

قالیباف: د لبنان د بریدونو دوام ښايي ایران له اسرائیلو سره مستقیمې مقابلې ته ورټېل وهي

اشتراک گذاری:

بریانیوز- دوشنبه، ١۸ جوزا ١٤٠٥

د ایران د پارلمان رئیس خبرداری ورکړی چې د لبنان په جنوب او پلازمېنه بېروت کې د اسرائیلو د پرله‌پسې بریدونو دوام ښايي تهران د خبرو اترو له بهیر څخه د وتلو او له اسرائیلو سره د مستقیمې مقابلې پر لور سوق کړي قالیباف ویلي چې د سیمې روان وضعیت د اندېښنې وړ دی او د لبنان پر ضد پوځي عملیات نه یوازې سیمه‌ییز ثبات زیانمنوي، بلکې د شخړې د پراخېدو خطر هم زیاتوي. د نوموړي په وینا، که روان بریدونه دوام ومومي او سیاسي حل‌لارې ته لاره هواره نه شي، ایران به اړ شي د خپلو ګټو او سیمه‌ییزو متحدینو په اړه نوي تصمیمونه ونیسي د ایران د پارلمان رئیس ټینګار کړی چې د سیمې ستونزې باید د خبرو اترو او ډیپلوماسۍ له لارې حل شي، خو خبرداری یې ورکړی چې د تاوتریخوالي زیاتوالی به د ټولو لورو لپاره جدي پایلې ولري شنونکي باور لري چې د ایران او اسرائیلو ترمنځ د مستقیمې نښتې احتمال به د منځني ختیځ امنیتي وضعیت لا پسې پېچلی کړي او د سیمې پر سیاسي او اقتصادي ثبات به پراخې اغېزې ولري دا څرګندونې په داسې وخت کې مطرح کېږي چې په لبنان کې جګړه لا هم روانه ده او نړیوالې هڅې د اوربند او سیاسي حل‌لارې د موندلو لپاره دوام لري