اخبار فوری
مقاله
کشمیر: تر ولکې لاندې کشمیر کې ولسي خوځښت زور اخیستی؛ بښنې نړیوال سازمان د معلوماتي بندیزونو د پای ته رسولو غوښتنه وکړه
فــــهــــيـــم شـاهـیـن
27 جوزا 1405
48
کشمیر: تر ولکې لاندې کشمیر کې ولسي خوځښت زور اخیستی؛ بښنې نړیوال سازمان د معلوماتي بندیزونو د پای ته رسولو غوښتنه وکړه
بریانیوز- چهار شنبه ٢۷ جوز ١٤٠٥
د پاکستان تر ولکې لاندې کشمیر کې د ولسي اعتراضونو او ناکراریو څپه لا هم نه ده ارامه شوې او روان لاریونونه اوس دیارلسمې ورځې ته رسېدلي دي. راپورونه ښيي چې په بېلابېلو سیمو کې خلک د خپلو غوښتنو د مطرح کولو لپاره سړکونو ته راوتلي او د اعتراضونو لړۍ په پراخېدو ده
د دغو تحولاتو په منځ کې د بښنې نړیوال سازمان د سیمې پر وضعیت اندېښنه څرګنده کړې او له پاکستاني چارواکو یې غوښتي چې د مخابراتي شبکو او انټرنیټ پر وړاندې لګول شوي محدودیتونه ژر تر ژره لرې کړي
یاد سازمان ویلي، د اړیکو او معلوماتو د لېږد بندول د خلکو د خبرتیا حق محدودوي او د روان وضعیت د روڼتیا مخه نیسي. د بښنې نړیوال سازمان په وینا، د انټرنیټ او مخابراتي خدمتونو بېرته فعالېدل به د سیمې اوسېدونکو، رسنیو او بشري حقونو بنسټونو ته د حالاتو د څار او ارزونې زمینه برابره کړي
د سیاسي چارو شنونکي باور لري چې د اعتراضونو پرلهپسې دوام او د معلوماتي محدودیتونو موجودیت د دې څرګندونه کوي چې په سیمه کې نارضایتي لا هم پراخه ده او د کړکېچ د هواري لپاره اغېزمنو ګامونو ته اړتیا لیدل کېږي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl