مقاله

سوېډن : د افغانانو د خوښې ستنېدنې پر هڅو میلیونونه ولګول، خو تر اوسه هېڅوک بېرته نه دي ستانه شوي

اشتراک گذاری:

بریانیوز - دوشنبه، ١۵ سرطان ١٤٠٥

سوېډن د هغو افغانانو د خوښې ستنېدنې لپاره چې د استوګنې غوښتنې یې نه دي منل شوې، له تېر کال راهیسې پراخ پروګرام پیل کړی، خو د تازه راپور له مخې تر اوسه هېڅ افغان د دغه پروګرام له لارې خپل هېواد ته نه دی ستون شوی

د راپور له مخې، د دې پروګرام لپاره له اته میلیونو سوېډني کرونونو ډېرې پیسې لګول شوې دي، چې نږدې اته سوه شل زره امریکایي ډالرو سره برابرېږي. د دې هڅې موخه دا وه چې سلګونه افغانان په خپله خوښه افغانستان ته ستانه شي، خو تر اوسه یې هېڅ پایله نه ده ورکړې

ویل کېږي چې دغه پروګرام د سلا او لارښوونې له لارې هغه افغانان هڅوي چې بېرته خپل هېواد ته د ستنېدو په اړه پرېکړه وکړي. خو د څېړونکو او د کډوالو د ملاتړ ځینو بنسټونو په اند، په افغانستان کې د اوسنیو ستونزو او د خلکو د اندېښنو له امله ډېری افغانان د ستنېدو لېوالتیا نه لري

د سوېډن حکومت بیا ټینګار کوي چې هغه کسان چې د استوګنې قانوني حق نه لري، باید خپل هېواد ته ستانه شي، او خوښه ستنېدنه د جبري ایستنې په پرتله غوره او لږ لګښتي لاره ده