اخبار فوری
فــــهــــيـــم شـاهـیـن
17 سرطان 1405
16
د ملګرو ملتونو د کډوالو عالي کمیشنر: د افغانستان او پاکستان کړکېچ دې ژر هوار شي
بریانیوز چهارشنبه- ١٧ سرطان ١٤٠٥
د ملګرو ملتونو د کډوالو عالي کمیشنر ، چې د یوه پلاوي په مشرۍ افغانستان ته سفر کړی، له یوې رسنۍ سره په مرکه کې ټینګار کړی چې د افغانستان او پاکستان ترمنځ روان کړکېچ باید د خبرو او همغږۍ له لارې ژر تر ژره هوار شي
نوموړي ویلي، دواړه ګاونډي هېوادونه باید د تاوتریخوالي د زیاتېدو پر ځای د اړیکو د ښه کېدو او د ستونزو د سولهییز حل لپاره عملي ګامونه پورته کړي، ځکه روان وضعیت نه یوازې پر دواړو هېوادونو، بلکې پر میلیونونو افغان کډوالو هم مستقیم اغېز لري
هغه زیاته کړې چې شته چوکاټونه، لکه د افغانستان، پاکستان او ایران درېاړخیزه همغږي، د دوحې بهیر او د افغان کډوالو لپاره د سویس په منځګړیتوب جوړه شوې تګلاره، باید بېرته فعاله او پیاوړې شي، څو د کډوالو او سیمهییزو ستونزو لپاره دوامدارې حللارې وموندل شي
د ملګرو ملتونو د کډوالو عالي کمیشنر خبرداری ورکړی چې که اوسنی کړکېچ دوام وکړي، افراطي او وسلهوالې ډلې ښایي له رامنځته شوي وضعیت څخه ناوړه ګټه پورته کړي او د سیمې امنیت او ثبات له لا ډېرو ګواښونو سره مخ کړي
نوموړي د نړیوالې ټولنې، سیمهییزو هېوادونو او ټولو ښکېلو لورو څخه وغوښتل چې د ګډو هڅو له لارې د کډوالو ستونزو، د سرحدي کړکېچونو او بشري ننګونو د حل لپاره همغږي او همکاري زیاته کړي، ترڅو په سیمه کې تلپاتې ثبات او ارامي ټینګه شي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl