اخبار جهان

نیویارک : د «جنسیتي اپارتایډ» د نړیوال جرم په توګه د پېژندلو هڅې؛ نوې مرحله پیل شوه

اشتراک گذاری:

بریانیوز/ شنبه ( ۱۷ / اسد /۱۴۰۵هـ.ش)

نیویارک – د بشري حقونو یو شمېر سازمانونه وایي، د «جنسیتي اپارتایډ» د یوه نړیوال جرم په توګه د رسمي پېژندلو هڅې نوې مرحلې ته داخلې شوې دي

د دغو سازمانونو په وینا، اسټرالیا، هسپانیا، مکسیکو او یو شمېر نورو هېوادونو د ملګرو ملتونو د یوه نړیوال تړون په مسوده کې د جنسیتي اپارتایډ د مفهوم د شاملولو لپاره رسمي وړاندیزونه وړاندې کړي دي

د بشري حقونو سازمانونه وایي، د دې هڅو تر شا د افغان ښځو هغه مبارزه هم مهمه ده چې په افغانستان کې د طالبانو د ښځو او نجونو پر وړاندې د محدودیتونو او سختو تګلارو په غبرګون کې روانه ده

د معلوماتو له مخې، د یاد نړیوال تړون په اړه رسمي خبرې اترې به د ۲۰۲۸ کال په جنورۍ کې پیل شي. تر هغې وړاندې به نورو هېوادونو ته هم فرصت ورکړل شي چې د تړون په مسوده کې د جنسیتي اپارتایډ د شاملولو لپاره خپل وړاندیزونه وړاندې کړي

د بشري حقونو فعالان هیله لري چې د دې اصطلاح نړیوال قانوني تعریف به د هغو نظامونو پر وړاندې د حساب ورکونې زمینه برابره کړي چې د جنسیت پر بنسټ پراخ او سیستماتیک تبعیض ترسره کوي