صحّت

یونیسف: په دایکنډي کې نږدې ۶۲۷ زره کسانو ته روغتیايي او حفظ‌الصحې خدمتونه رسېدلي

اشتراک گذاری:

بریانیوز/ سه شنبه ( ۲۰ / اسد /۱۴۰۵هـ.ش)

دایکنډي – په افغانستان کې د ماشومانو لپاره د ملګرو ملتونو د وجهي صندوق (یونیسف) استازی تاج‌الدین اویواله وايي، په دایکنډي ولایت کې شاوخوا ۶۲۷ زره کسانو ته د روغتیا او حفظ‌الصحې اړوند خدمتونه وړاندې شوي دي

اویواله ویلي، دغه خدمتونه د دایکنډي ولایت په نهو ولسوالیو کې د اړوندو پروګرامونو له لارې خلکو ته رسېدلي دي

د یونیسف د استازي په وینا، دایکنډي له بامیان وروسته په افغانستان کې دویم ولایت دی چې په ډاګ کې د حاجت رفع کولو ستونزه پکې په بشپړه توګه پای ته رسېدلې ده

نوموړي ویلي، د دغو پروګرامونو اساسي موخه د ماشومانو او کورنیو لپاره د پاک، سالم او خوندي چاپېریال برابرول او د روغتیايي ستونزو د مخنیوي لپاره د خلکو د پوهاوي او خدمتونو پراخول دي

اویواله زیاته کړې چې د یادو روغتیايي او حفظ‌الصحې خدمتونو مالي ملاتړ د جاپان او بریتانیا د بهرنیو چارو وزارتونو له لوري شوی دی

د یونیسف په وینا، د پاکو اوبو، روغتیايي خدمتونو او مناسبې حفظ‌الصحې پراختیا په ځانګړې توګه د ماشومانو د ناروغیو د مخنیوي او د هغوی د سالمې ودې لپاره مهمه ده