سیاست

سرور دانش: د افغانستان د انتقالي پړاو لپاره دې جلاوطنه حکومت جوړ شي

اشتراک گذاری:

بریانیوز/دو شنبه ( ۲۶ / اسد /۱۴۰۵هـ.ش)

کابل – د افغانستان پخوانی مرستیال ولسمشر سرور دانش وايي، د اوسني وضعیت د بدلون او د واک د سوله‌ییز لېږد لپاره باید د انتقالي پړاو په موخه یو جلاوطنه حکومت جوړ شي

دانش ویلي، دغه حکومت کولای شي د افغانستان د سیاسي راتلونکي لپاره زمینه برابره کړي او په هېواد کې د واک د لېږد بهیر تنظیم کړي

نوموړي د طالبانو پر حکومت سختې نیوکې کړې او د دوی تګلارې یې د استبداد او «جنسیتي اپارتاید» په توګه یادې کړې. هغه ټینګار کړی چې د افغانستان د اوسنیو سیاسي ستونزو د حل لپاره باید د واک د انحصار مخه ونیول شي

سرور دانش د حللارې په توګه د فدرالي نظام او غیرمتمرکز سیاسي جوړښت د رامنځته کېدو وړاندیز هم کړی دی. د هغه په باور، د واک وېش او د سیمو پراخ سیاسي مشارکت کولای شي د افغانستان د اوږدمهالو سیاسي اختلافاتو د کمېدو لپاره زمینه برابره کړي

د دانش څرګندونې په داسې مهال مطرح کېږي چې د طالبانو له بیا واکمنېدو وروسته د افغانستان د سیاسي راتلونکي، ټولګډونه حکومت او د واک د جوړښت په اړه د مخالفو سیاسي څېرو او نړیوالې ټولنې بحثونه لا هم دوام لري