سیاست

مسکو : د ډله‌ییز امنیت تړون سازمان: د افغانستان سرحدي بې‌ثباتي د سیمې امنیت ګواښي

اشتراک گذاری:

بریانیوز/سه شنبه ( ۲۶ / اسد /۱۴۰۵هـ.ش)

مسکو – د ډله‌ییز امنیت تړون سازمان سرمنشي طالق‌بېک ماسادکوف وايي، د افغانستان په سرحدي سیمو کې بې‌ثباتي د منځنۍ اسیا د امنیت لپاره جدي ګواښ دی او د سیمې هېوادونه باید د خپلو پولو کنټرول پیاوړی کړي

ماسادکوف ویلي، دغه سازمان د افغانستان وضعیت له نږدې څاري او هیله لري چې افغانستان یو سوله‌ییز او سوکاله هېواد شي

نوموړي د تاجکستان او افغانستان پر پوله د نویو امنیتي تدابیرو د پلي کېدو خبر هم ورکړی او ټینګار یې کړی چې د سرحدونو د امنیت پیاوړتیا د سیمې د هېوادونو لپاره مهمه ده

د ډله‌ییز امنیت تړون سازمان سرمنشي زیاته کړې چې ترهګري، د نشه‌يي توکو قاچاق او سایبري جرمونه هغه ګواښونه دي چې د منځنۍ اسیا امنیت ننګوي

هغه وویل، سازمان هڅه کوي د دغو ګواښونو د مخنیوي لپاره ګډې او عملي حللارې پیدا کړي او د سیمې د هېوادونو ترمنځ امنیتي همغږي پیاوړې کړي