مقاله

ایران: د امریکا او اسرائیلو په بریدونو کې ۱۰۰ الوتکې ویجاړې شوې

اشتراک گذاری:

بریانیوز/سه شنبه ( ۲۶ / اسد /۱۴۰۵هـ.ش)

تهران – د ایران د ټرانسپورټ وزیرې فرزانه صادق ادعا کړې چې د امریکا او اسرائیلو په بریدونو کې د ایران شاوخوا ۱۰۰ الوتکې ویجاړې شوې دي، خو د هغې په وینا، له دې زیانونو سره سره د حج لپاره د هوايي سفرونو لړۍ په محدود ډول روانه پاتې شوې ده

صادق ویلي، ایران د خپلو موجودو امکاناتو په کارولو سره د حج مراسمو لپاره له ۸ الوتکو څخه د مسافرینو د لېږد په موخه استفاده کړې ده

د ایران د ټرانسپورټ وزیرې همداراز ادعا کړې چې د بریدونو له امله د هېواد په ۲۵ ولایتونو او شاوخوا ۴۰۰ ښارونو کې سوداګریزو او ملکي ودانیو ته هم زیانونه اوښتي دي

نوموړې د زیانونو د دقیقې کچې او د ویجاړو شویو الوتکو د ډولونو په اړه نور جزئیات نه دي ورکړي

د ایران دغه څرګندونې په داسې حال کې کېږي چې د امریکا او اسرائیلو د پوځي عملیاتو د اغېزو په اړه د تهران له لوري د زیانونو بېلابېل راپورونه خپرېږي، خو د یادو ادعاوو د ټولو جزئیاتو خپلواکه تایید تر اوسه روښانه نه دی