مقاله

اوچا: افغانستان کې د مرستو رسولو بهیر له جدي خنډونو سره مخ دی

اشتراک گذاری:

بریانیوزپنجشنبه ( ۲۹ / اسد /۱۴۰۵هـ.ش)

کابل – د ملګرو ملتونو د بشري مرستو د همغږۍ ادارې «اوچا» مشرې ایمي مارټین د بشردوستانه همکارۍ د نړیوالې ورځې په مناسبت په افغانستان کې د مرستندویه کارکوونکو هڅې او زړورتیا ستایلې او ویلي یې دي چې دغه اداره د افغان ولس له ملاتړ سره خپلې ژمنې ته دوام ورکوي

مارټین ویلي، په افغانستان کې د بشري اړتیاوو له زیاتېدو سره هم‌مهاله د مرستو بودجه کمه شوې، چې له امله یې د اړمنو کورنیو لپاره د مرستو رسولو بهیر له جدي ستونزو سره مخ شوی دی

اوچا ټینګار کړی چې په اوسنیو شرایطو کې د افغانانو د ملاتړ لپاره د نړیوالې ټولنې ګډو او چټکو اقداماتو ته اړتیا ده. د دې ادارې په وینا، د مالي سرچینو کمښت کولی شي د میلیونونو اړمنو افغانانو لپاره د خوړو، روغتیا، اوبو او نورو حیاتي خدمتونو ته د لاسرسي کچه اغېزمنه کړي

دا څرګندونې په داسې مهال کېږي چې افغانستان لا هم له ژور اقتصادي بحران، پراخې بېوزلۍ او د کار د فرصتونو له کمښت سره مخ دی او میلیونونه افغانان د ژوند د لومړنیو اړتیاوو د پوره کولو لپاره بشري مرستو ته اړتیا لري