سیاست

کابل : ایران، چین و ترکیه؛ د طالبانو تر ټولو فعال ډیپلوماټیک شریکان

اشتراک گذاری:

بریانیوزپنجشنبه ( ۲۹ / اسد /۱۴۰۵هـ.ش)

کابل – وروستي معلومات ښيي چې ایران، چین او ترکیه له طالبانو سره د ډیپلوماټیک تعامل له پلوه د هغو هېوادونو په سر کې دي چې له کابل سره یې اړیکې تر ټولو ډېرې پراخې شوې دي

د موجودو شمېرو له مخې، ایران له طالبانو سره د ۴۹۴ ډیپلوماټیکو تعاملاتو په ترسره کولو سره لومړی ځای لري. چین د ۴۳۲ تعاملاتو له ثبتېدو سره دویم او ترکیه د ۳۹۴ تعاملاتو په لرلو سره درېیم ځای لري

قطر د ۳۴۷ تعاملاتو له مخې څلورم او ازبکستان د ۳۱۶ تعاملاتو په ثبتېدو سره پنځم ځای خپل کړی دی

دغه شمېرې ښيي چې د طالبانو له بیا واکمنېدو وروسته، د سیمې یو شمېر هېوادونو له کابل سره د سیاسي او ډیپلوماټیکو اړیکو ساتلو ته ځانګړې پاملرنه کړې ده

ایران، چین او ترکیه په بېلابېلو برخو کې له کابل سره د سیاسي اړیکو، سوداګرۍ، اقتصادي همکاریو او سیمه‌ییزو مسایلو په اړه تعاملات لري، خو د طالبانو حکومت تر اوسه د نړۍ د ډېرو هېوادونو له خوا په رسمي توګه نه دی په رسمیت پېژندل شوی

د ډیپلوماټیک تعاملاتو زیاتوالی په داسې حال کې دی چې د افغانستان اوسنی حکومت هڅه کوي له ګاونډیو او سیمه‌ییزو هېوادونو سره خپلې اړیکې پراخې کړي او د اقتصادي او سیاسي انزوا د کمولو لپاره د تعامل کچه لوړه وساتي