مقاله

کابل : سوریې او سعودي عربستان په کابل کې د ښوونځي چاودنه وغندله

اشتراک گذاری:

بریانیوزشنبه ( ۳۱ / اسد /۱۴۰۵هـ.ش)

کابل – سوریې او سعودي عربستان په کابل کې د یوه ښوونځي دننه شوې چاودنه په کلکه غندلې او له افغان ولس او د پېښې له قربانیانو سره یې خپله خواخوږي او پیوستون څرګند کړی دی
د سوریې د بهرنیو چارو او کډوالو وزارت د جمعې په ورځ په یوه اعلامیه کې ویلي، دمشق د افغانستان د حکومت او خلکو ترڅنګ ولاړ دی او د پېښې ټپیانو ته یې د ژر روغېدو هیله څرګنده کړې ده
چاودنه د دوشنبې په ورځ د کابل ښار په دشت‌برچي سیمه کې شوې وه. د ورکړل شویو معلوماتو له مخې، په دې پېښه کې لږ تر لږه ۵۲ ماشومان، چې عمرونه یې له ۱۰ تر ۱۴ کلونو پورې دي، ټپیان شوي دي
بلخوا، د سعودي عربستان د بهرنیو چارو وزارت هم دغه چاودنه په کلکه غندلې او ویلي یې دي چې ریاض د تاوتریخوالي، افراطیت او ترهګرۍ له ټولو بڼو سره خپل مخالفت بیا څرګندوي
سعودي عربستان له افغان ولس سره د پیوستون ترڅنګ، د پېښې ټپیانو ته د عاجلې روغتیا هیله کړې ده
ریاض همداراز هیله څرګنده کړې چې د افغانستان خلک د تلپاتې امنیت، سولې او ثبات له شرایطو برخمن شي