تکنولوژی

پیکینګ روباټ : چینایي روباټ په ۱۰۰ متره ځغاسته کې د انسان ریکارډ مات کړ

اشتراک گذاری:

بریانیوزشنبه ( ۲ / سنبله /۱۴۰۵هـ.ش)

پیکینګ – یوه چینایي ځیرک روباټ په ۱۰۰ متره ځغاسته کې د انسان له تر ټولو مشهور نړیوال ریکارډ څخه د تېز تېرېدو ادعا کړې ده

د پیکینګ د یوې روباټ جوړوونکې کمپنۍ تولید کړي دغه روباټ د ۱۰۰ مترو واټن په ۹.۳۹ ثانیو کې وهلی دی، چې د انسانانو د ۱۰۰ متره ځغاستې له پخواني نړیوال ریکارډ څخه چټک وخت بلل کېږي

د انسانانو په برخه کې د ۱۰۰ مترو نړیوال ریکارډ د جمیکا نامتو ځغاستونکي یوسین بولټ له خوا په ۲۰۰۹ کال کې ثبت شوی و. بولټ دغه واټن په ۹.۵۸ ثانیو کې بشپړ کړی و

د چینایي روباټ ثبت شوی وخت د بولټ له ریکارډ څخه شاوخوا ۰.۱۹ ثانیې چټک دی، چې د روباټیکې ټکنالوژۍ د پرمختګ یوه مهمه نښه ګڼل کېږي

د روباټونو په برخه کې وروستي پرمختګونه ښيي چې جوړوونکي هڅه کوي داسې ماشینونه رامنځته کړي چې نه یوازې په چټکۍ حرکت وکړي، بلکې د انسانانو په څېر منډه، ټوپ او نور فزیکي فعالیتونه هم ترسره کړای شي

د دغه روباټ بریا یو ځل بیا دا پوښتنه راپورته کړې چې د مصنوعي ځیرکتیا او روباټیکې ټکنالوژۍ د چټک پرمختګ په راتلونکي کې به ماشینونه د انسانانو په فزیکي وړتیاوو کې تر کومه بریده ورسېږي