مقاله

افغان او اماراتي سوداګرو له ترکمنستانه د ۱.۴۴ میلیونه ډالرو ډیزل اخیستی

اشتراک گذاری:

عشق‌اباد : افغان او اماراتي سوداګرو له ترکمنستانه د ۱.۴۴ میلیونه ډالرو ډیزل اخیستی

بریانیوزشنبه ( ۲ / سنبله /۱۴۰۵هـ.ش)

عشق‌اباد: د افغانستان او متحده عربي اماراتو یو شمېر سوداګرو د ترکمنستان له دولتي توکو او خامو موادو له سوداګریز بورس څخه د شاوخوا ۱.۴۴ میلیونه ډالرو په ارزښت د سلفر له پاک شوي ډیزل پېرود کړی دی

د ترکمنستان د رسنیو د راپورونو له مخې، دغه معاملې د ترکمنستان د دولتي توکو او خامو موادو د سوداګرۍ له بورس څخه ترسره شوې دي

راپور زیاتوي چې افغان او اماراتي سوداګرو د ډیزلو دغه محصوالت د سوداګریزو معاملاتو له لارې اخیستي دي. د معاملې ټول ارزښت شاوخوا ۱.۴۴ میلیونه ډالره ښودل شوی، خو د پېرل شوي ډیزلو د دقیقې اندازې او د انتقال د څرنګوالي په اړه نور جزئیات نه دي خپاره شوي

ترکمنستان د انرژۍ له مهمو تولیدوونکو هېوادونو څخه دی او د افغانستان لپاره هم د دغه هېواد د تېلو او انرژۍ محصولات د سوداګرۍ په برخه کې ځانګړی اهمیت لري

د افغان سوداګرو په ګډون د بهرنیو شرکتونو له لوري د ترکمنستان د انرژۍ د محصولاتو پېرود، د دواړو هېوادونو ترمنځ د سوداګریزو اړیکو د دوام او پراختیا یوه بېلګه بلل کېږي