اخبار فوری
فــــهــــيـــم شـاهـیـن
03 سنبله 1405
12
نيويارک: د ټرمپ اداره د پناه غوښتونکو تر ۲۰۰ زره بهرنیانو ویزې لغوه کوي
بریانیوز سه شنبه ( ۳/ سنبله /۱۴۰۵هـ.ش)
د امریکا د ولسمشر ډونالډ ټرمپ اداره په پام کې لري چې د هغو تر ۲۰۰ زره بهرنیو وګړو سوداګریزې او سیاحتي ویزې لغوه کړي چې په امریکا کې یې پناه غوښتې یا یې د پناه غوښتنې بهیر روان دی
اسوشیټډ پرېس د امریکا د بهرنیو چارو وزارت د اسنادو او دوو امریکايي چارواکو له قوله راپور ورکړی چې که دغه پرېکړه له حقوقي ننګونو سره مخ نه شي او یا بدلون پکې رانه شي، د ۲۰۱۶ او ۲۰۲۶ کلونو ترمنځ صادرې شوې سوداګریزې او سیاحتي ویزې به په راتلونکو اوونیو کې لغوه اعلان شي
د راپور له مخې، د ویزو د لغوه کولو دغه بهیر به د امریکا د کورني امنیت له وزارت سره په همغږۍ ترسره شي
د امریکا د بهرنیو چارو وزارت په تېرو ۱۸ میاشتو کې هم شاوخوا ۱۷۵ زره ویزې لغوه کړې دي. د چارواکو په وینا، د ویزو په اړه د حکومت د تګلارې بدلون د کډوالۍ او پناه غوښتنې د بهیر د لا سخت مدیریت له هڅو سره تړاو لري
که دا پرېکړه عملي شي، زرګونه هغه بهرني وګړي به اغېزمن شي چې په قانوني ویزو امریکا ته تللي او وروسته یې د پناه غوښتنې غوښتنلیکونه ثبت کړي دي
د ویزو د احتمالي لغوه کېدو خبر په داسې حال کې خپرېږي چې د ټرمپ اداره د کډوالۍ د محدودولو او د امریکا د ویزې او پناه غوښتنې د نظام د سختولو لپاره د نویو اقداماتو د عملي کولو هڅې چټکې کړې دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl