اخبار فوری
فــــهــــيـــم شـاهـیـن
12 عقرب 1404
118
دمشق – د سوریې ولسمشر احمد الشرع خپلو پلویانو ته خبرداری ورکړی چې د شتمنۍ او واک د نندارې څخه دې ډډه وکړي او په ځانګړي ډول په لوکسو موټرو کې د ګرځېدو څخه دې ځان وساتي، ګنې دا موټرونه به ضبط شي
د راپورونو له مخې، ولسمشر الشرع دا خبرې د یوې امنیتي ناستې پر مهال کړې او ویلي یې دي چې د واکمنو کسانو د تجمل ژوند د خلکو پر اعتماد منفي اغېز کوي او د فساد سرچینه ګرځي
هغه زیاته کړه:
هیڅ یو چارواکی یا پلوی دې دا فکر نه کوي چې د قدرت ښودنه یا د شتمنۍ ننداره د ده د موقف برخه ده. دا کار نه زغمل کېږي
د معلوماتو له مخې، ولسمشر الشرع د خپل ورور دفتر د فساد د مخنیوي په موخه تړلی او امر یې کړی چې د ولسمشرۍ کورنۍ غړي او نږدې کسان باید د عامو خلکو په څېر ژوند وکړي
سرچینې زیاتوي، احمد الشرع حتی خپل ۷۹ کلن پلار ته ویلي چې د ولسمشر د کورنۍ د نوم پر ځای دې د عامو خلکو په څېر عادي ژوند غوره کړي
سیاسي شنونکي دا ګام د سوریې د نوي مشرتابه د شفافیت او حسابورکونې د سیاست یوه مهمه نښه بولي
دوی وایي، د سوریې حکومت هڅه کوي د اوږدې جګړې او اقتصادي ستونزو وروسته د خلکو باور بېرته ترلاسه کړي، او د فساد پر ضد دا ډول اقدامات د هېواد د ثبات لپاره یو مثبت پیغام لري
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF