په استرالیا سنا کې د برقع د یوې راست‌افراطي سناتورې اقدام غبرګونونه پارولي

په استرالیا کې د یوې راست‌ افراطي سیاستوالې لخوا د برقع اغوستل او د سنا غونډې ته په هغه بڼه ور ننوتل، توند سیاسي او ټولنیز غبرګونونه راپارولي دي

پاولین هانسون، د «ملت واحد» نومي ضد مهاجرت ګوند اغلې، وروسته له هغه دا خبرې‌پارونکي اقدام وکړ چې هغې ته د برقع د بندیز طرحې د وړاندې کولو اجازه ور نه کړل شوه. نوموړې د بشپړ برقع په اغوستلو سره د سنا تالار ته داخل شوه، او کله چې د مجلس له لوري د برقع د لېرې کولو غوښتنه ورته وشوه، هغې ډډه وکړه، چې په پایله کې غونډه موقتي بنده اعلان شوه

مهرین فاروقي، چې یوه مسلمان استرالیايي سناتوره ده، د هانسون دا عمل «څرګنده نژادپرستي» او «د مسلمانانو د سپکاوي څرګند هڅه» وبلله. هغې وویل چې د یوه دیني لباس د سیاسي وسیلې په توګه کارول د ټولنې د وېش او دښمنۍ سبب ګرځي

خو پاولین هانسون بیا خپل دریځ ته ادامه ورکړه او وویل:

«که چارواکي نه غواړي زه برقع واغوندم، نو باید په رسمي ډول یې منع کړي.»

هانسون له څو لسیزو راهیسې د اسلامي حجاب پر وړاندې مبارزه کوي او په پرله‌پسې ډول یې د پناه‌لټونکو، مسلمانانو او آسیایي مهاجرانو پر وړاندې سخت دریځونه څرګند کړي دي

د هغې تازه اقدام نه یوازې په سنا کې لانجې راولاړې کړې، بلکې په ټولنیزو رسنیو کې هم پراخ بحثونه راپورته کړي، چې ډېری یې دا چلند د جمهوریت له ارزښتونو، دیني ازادۍ او ټولنیز احترام سره په ټکر کې بولي

کارپوهان باور لري چې دا پېښه به یو ځل بیا د استرالیا د دیني تنوع، مهاجرتي پالیسیو او د سیاسي اخلاقو په اړه پخوانۍ لانجې تازه کړ.