اخبار فوری
د کرملین لوړپوړو چارواکو یو ځل بیا له نړیوالو بدلونونو، په ځانګړي ډول په اروپا کې له چټکو پوځي بدلونونو سره د روسیې د امنیتي اندېښنو غږ پورته کړی
فــــهــــيـــم شـاهـیـن
08 قوس 1404
6
د کرملین لوړپوړو چارواکو یو ځل بیا له نړیوالو بدلونونو، په ځانګړي ډول په اروپا کې له چټکو پوځي بدلونونو سره د روسیې د امنیتي اندېښنو غږ پورته کړی او ویلي یې دي چې مسکو اړ دی د “تر ټولو سخت او بد حالت” لپاره ځان په هره ممکنه بڼه چمتو کړي
د روسیې د ولسمشرۍ ماڼۍ ویاند، د یوې توندې لهجې په بیان کې، وویل چې اروپايي هېوادونه په بېساري ډول د پوځ پیاوړتیا او وسلهوال پرمختګ ته مخه کړې ده، او دا لړۍ داسې بڼه خپلوي چې د روسیې لپاره د خطر زنګ بلل کېدای شي
مسکو: اروپا نور د باور وړ طرف نه دی
د کرملین ویاند په دوام کې په څرګندو ټکو وویل چې اروپا په اوکراین کې د سولې د هڅو پر ځای جګړه اوږدوي او د پوځي کولو سیاست ته زور ورکوي. د هغه په وینا، اروپايي مشران په سیمه کې د کړکېچ د کمولو رول نه شي لوبولای، ځکه چې د دوی سیاستونه د واشنګټن له خطوطو څخه سرچینه اخلي.
دی زیاتوي:
په اوسني وضعیت کې روسیه یوازې له امریکا سره خبرې کوي، ځکه د اوکراین د جګړې اصلي پرېکړې په واشنګټن کې کېږي، نه په بروکسل کې
اروپا ولې له معادلې ووتله؟
د سیاسي کارپوهانو په باور، د کرملین دا دریځ بېبنسته نه دی؛ اروپايي هېوادونه له یوې خوا د جګړې ستر لګښتونه برداشتوي، او له بلې خوا د نظامي سیالۍ له امله د خپلو خلکو په منځ کې له پراخو اقتصادي فشارونو سره لاساوګرېوان دي.
روسیه وايي چې د اروپا سیاستونه “احساساتي، بېثباته او د نورو په واک کې” ښکاري، ځکه نو مسکو هغه د باور وړ منځګړی نه ګڼي
د جګړې د سیوري ژورېدل
د کرملین ویاند ټینګار وکړ چې د ناټو د پراخېدو سیاست، د وسلو د سیالۍ چټکتیا او د اوکراین جګړه نه یوازې د اروپا بلکې د نړۍ لپاره د نوي کړکېچ نښې لري. مسکو وایي چې د دغو تحولات په بدل کې باید روسیه خپل پوځ، خپله دفاعي تګلاره او خپل ملي امنیت له سره تنظیم کړي
د خبرو دروازې تړل شوې نه دي
سره له دې چې ژبه یې تونده وه، خو د روسیې ویاند څرګنده کړه چې مسکو لا هم د خبرو لپاره خلاص دی، خو دا خبرې باید له هغه چا سره وشي چې د پرېکړې اصلي واک ولري—او د هغه په وینا، دا هېواد امریکا ده
بد سناریو څه معنا لري؟
سیاسي شنونکي باور لري چې د کرملین د “بدترین سناریو” یادونه د څو ټکو نښه کېدای شي:
د جګړې پراخېدل
د ناټو د حضور زیاتېدل
د وسلو لوړې کچې سیالي
اقتصادي او سیاسي فشارونه
د ټکنالوژیکې جګړې پیاوړتیا
روسیه وايي چې باید د هرې ممکنې صحنې لپاره چمتو وي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي