اخبار فوری
فــــهــــيـــم شـاهـیـن
02 جدی 1404
10
برلین – په وروستیو میاشتو کې بېپیلوټه الوتکې یا ډرونونه د جرمني د اسمان ناخوښه مېلمانه ګرځېدلي دي؛ چوپې الوتنې چې ډېری وخت د هغو سیمو پر سر لیدل کېږي چې باید د هېواد تر ټولو خوندي ځایونه وي. تازه رسمي شمېرې ښيي چې دا الوتنې تصادفي نه، بلکې د اندېښنې وړ دوامداره بهیر دی د جرمني د فدرالي جنایي ادارې د معلوماتو له مخې، د ۲۰۲۵ کال له پیل څخه د ډسمبر تر نیمایي پورې، په ټول هېواد کې د ډرونونو د مشکوکو الوتنو څه باندې زر پېښې ثبت شوې دي. چارواکي وایي، دا شمېرې د ملي امنیت له پلوه جدي پوښتنې راپورته کوي
هولګر مونش، د جرمني د فدرالي جنایي ادارې مشر، له «بیلد» ورځپاڼې سره په خبرو کې ویلي: «موږ د کال له پیل راهیسې د ټولو مشکوکو پېښو اړوند معلومات راغونډ کړي او یو عمومي انځور مو ترې جوړ کړی دی. په دې بهیر کې د جرمني پوځ هم شامل شوی، څو وضعیت په ګډه وڅېړل شي
د مونش په وینا، تر ټولو زیاتې ثبت شوې پېښې د پوځي تاسیساتو، هوايي ډګرونو او نورو حیاتي بنسټونو پر سر د ډرونونو الوتنې دي. په دې کې د وسلو جوړولو صنعتي شرکتونه، بندري تاسیسات او نور مهم اقتصادي او ستراتیژیک مرکزونه شامل دي
امنیتي کارپوهان خبرداری ورکوي چې د دې ډول الوتنو دوام کولی شي د جرمني د ملي امنیت، اقتصادي ثبات او عامه خوندیتوب لپاره جدي ګواښونه رامنځته کړي. د جرمني حکومت ویلي چې د دې ستونزې د مهار لپاره به د څار، تخنیکي وسایلو او قانوني اقداماتو د پیاوړتیا هڅې لا زیاتې کړي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي