اخبار فوری
فــــهــــيـــم شـاهـیـن
02 جدی 1404
7
غزه – د فلسطیني کډوالو لپاره د ملګرو ملتونو د مرستو او کار ادارې (آنروا) خبرداری ورکړی چې په غزه کې بشري وضعیت لا هم ډېر خراب دی او د خلکو اړتیاوې د پراخې ویجاړۍ او د خوړو د سخت کمښت له امله تر ټولو لوړې کچې ته رسېدلې دي
آنروا په یوه تازه راپور کې ویلي چې میلیونونه خلک په غزه کې له جدي ستونزو سره مخ دي او د خوړو، پاکو اوبو او درملو سخت کمښت د هغوی ورځنی ژوند له نه زغمل کېدونکو حالاتو سره مخ کړی دی. د دې ادارې په وینا، د جګړو دوام او د مرستو پر لارو محدودیتونه د خلکو کړاوونه لا زیاتوي
د راپور له مخې، روغتیايي مرکزونه د امکاناتو له کمښت سره مخ دي، ګڼ ناروغان د درملنې له اساسي خدماتو بېبرخې دي او ماشومان، ښځې او زاړه کسان تر ټولو ډېر زیان ویني. آنروا ټینګار کوي چې د اوسنیو شرایطو دوام کولی شي یوه بېساري بشري فاجعه رامنځته کړي
آنروا د نړیوالې ټولنې څخه غوښتنه کړې چې بېړني او عملي ګامونه واخلي، څو غزې ته د بشري مرستو د رسېدو مخه خلاصه شي او د خوړو، طبي مرستو او نورو انساني ملاتړونو کچه لوړه شي. دې ادارې خبرداری ورکړی چې که سمدستي اقدام ونه شي، نو د انساني ناورین کچه به نوره هم پراخه او د کنټرول څخه ووځي
شنونکي وایي، د غزې روان وضعیت یوازې سیمهییزه ستونزه نه ده، بلکې د نړیوال وجدان لپاره یو ستر ازموینه ده چې بېړني، همغږي او اغېزمن اقدام ته اړتیا لري
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي