اخبار فوری
فــــهــــيـــم شـاهـیـن
04 جدی 1404
12
د کابل ښار یو شمېر اوسېدونکي وایي، چې د کورونو د کرایو بېساري لوړېدو، په داسې حال کې چې د خلکو عایدات کم شوي، د هغوی پر ورځني ژوند دروند اقتصادي بار اچولی دی. د دغو کورنیو په وینا، د میاشتني کرایې ورکول ورځ تر بلې ستونزمنېږي او ډېری کسان د مالي بېوسۍ له امله اړ شوي چې یا پرلهپسې کډه وکړي او یا هم په نامناسبو او ټیټکیفیته کورونو کې ژوند ته غاړه کېږدي
اوسېدونکي وایي، دا وضعیت نه یوازې اقتصادي ستونزې زیاتې کړې، بلکې د هغوی پر روحي وضعیت، د ماشومانو پر زدهکړو او د کورنیو پر عمومي هوساینې یې هم منفي اغېز کړی دی. د کابل یو شمېر کورنۍ وایي، چې د کرایې د لوړوالي له امله د لومړنیو اړتیاوو پوره کول هم ورته ستونزمن شوي دي
تر دې وړاندې، د طالبانو د عدلیې وزارت اعلان کړی و چې د کورونو د کرایو د کنټرول په موخه د رهنمایي او معاملاتو دفترونه تر څېړنې لاندې نیسي، خو د کابل اوسېدونکي ټینګار کوي چې تر اوسه یې په عملي ډګر کې کوم څرګند بدلون نه دی احساس کړی
منتقدان او ښاري اوسېدونکي د کور کرایو د تنظیم لپاره د جدي، شفاف او حسابورکوونکي څار غوښتنه کوي او وایي، که دا بهیر سم مدیریت نه شي، د ټیټ عاید لرونکو کورنیو اقتصادي ستونزې به نورې هم ژورې شي. د هغوی په باور، د خلکو د ژوند اسانتیا باید د هرې اقتصادي تګلارې په سر کې ځای ولري.
(د ځایي اوسېدونکو له قوله)
پاسخ دهید
لغو پاسخاخبار مرتبط
اخبار محبوب
آخرین اخبار
گالری
نظر اخیر
-
BCJJStVPFgxHovqcuKHjIb
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون