مقاله

امریکا: د طالبانو د تګلارو له امله افغانستان ته د نړۍوالې مرستې د بیا کتنې غوښتنه

اشتراک گذاری:

بریانیوز:(سه شنبه،۱۹حوت۱۴۰۴)

د امریکا متحده ایالاتو ویلي چې په افغانستان کې د سخت بشري ناورین سره سره باید د دغه هېواد لپاره د نړۍوالو مرستو بهیر بیا وارزول شي

د امریکا چارواکو ویلي چې دا دریځ د هغو تګلارو له امله نیول شوی چې د طالبانو له لوري پلي کېږي. د دوی په وینا، د ښځو د زده کړو، کار او نورو بنسټیزو حقونو محدودول د نړۍوالو اندېښنې زیاتې کړې دي.

امریکايي لوري ټینګار کړی چې نړۍواله ټولنه باید د مرستو په اړه داسې تګلاره غوره کړي چې هم د افغانستان د خلکو اړتیاوې پوره شي او هم د ښځو او نجونو بنسټیز حقونه خوندي پاتې شي

د یادونې وړ ده چې افغانستان له اوږدې مودې راهیسې له سختو اقتصادي ستونزو او بشري اړتیاوو سره مخ دی، او ګڼې کورنۍ د ژوند د لومړنیو اړتیاوو د پوره کولو لپاره د نړۍوالو مرستو ته اړتیا لري