کابل – طالبانو ویاند : په کابل کې د معتادینو د روغتون په برید کې سلګونه وژل شوي او ټپیان شوي

کابل – طالبانو  ویاند : په کابل کې د معتادینو د روغتون په برید کې سلګونه وژل شوي او ټپیان شوي

(سه شنبه،۲۶حوت۱۴۰۴)بریا نیوز

کابل – د طالبانو د حکومت د ویاند  ویلي دي چې د پاکستان د پوځ په هوايي برید کې د کابل په دوه زره بسترۍ لرونکي روغتون، چې د معتادینو د درملنې لپاره جوړ شوی و، لږ تر لږه ۴۰۰ کسان وژل شوي او شاوخوا ۲۵۰ نور ټپیان شوي دي

نوموړي څرګنده کړې چې برید په بې‌ساری ډول شوی او د سلګونو بې‌ ګناه خلکو ژوند یې اخیستی دی. هغه دا پېښه د وحشيانه عمل او د بشري حقونو د جدي سرغړونې په توګه یادوي او ټینګار کوي چې نړیواله ټولنه باید د دې فاجعې په اړه جدي اقدام وکړي

 ویاند زیاته کړې: «دغه روغتون یوازې د خلکو د روغتیا او ژوند ژغورلو ځای و، خو په دې برید کې ټولې اصولي حدود مات شوي دي. زه د ټولو قربانیانو کورنیو ته خپله خواخوږۍ څرګندوم او له نړیوالو بنسټونو غوښتنه کوم چې د عاملینو د محاکمې لپاره لازمي ګامونه واخلي

د راپورونو له مخې، برید د ښار په منځني برخو کې شوی، چې د روغتون ترڅنګ د ملکي خلکو ګڼ شمېر ودانۍ هم زیانمنې شوي. د روغتون کارکوونکي وايي چې د پیښې له کبله د ژغورنې عملیاتو ته د رسېدو وخت کم شوی او د ټپيانو شمیر ورځ تر بلې زیاتېږي

تر اوسه د پاکستان له لوري په دې اړه رسمي غبرګون نه دی ښودل شوی، خو د دغو راپورونو خپرېدو وروسته نړیواله ټولنه اندېښنه څرګنده کړې چې د ملکي وګړو ژوند د جګړو په ډګر کې له شدید خطر سره مخ دی

کارپوهان وایي چې دا ډول بریدونه نه یوازې د افغانستان او پاکستان ترمنځ شخړې زیاتوي، بلکې د سیمې د ثبات پر وړاندې هم لوی ګواښ دی. د بشري حقونو فعالان ټینګار کوي چې نړیواله ټولنه باید د دغو پېښو مخنیوي لپاره هر اړین اقدام وکړي او د ملکي وګړو خونديتوب ته جدي پام وکړي