مقاله

نیویارک – د اسلام پر ضد د کرکې د مخنیوي نړیوالې ورځې په مناسبت د ملګرو ملتونو غږ

اشتراک گذاری:

د اسلام پر ضد د کرکې د مخنیوي نړیوالې ورځې په مناسبت د ملګرو ملتونو غږ

(سه شنبه،۲۶حوت۱۴۰۴)بریا نیوز

د اسلام پر ضد د کرکې د مخنیوي نړیوالې ورځې په مناسبت، د ملګرو ملتونو سرمنشي انتونیو ګوتېرش له هغو هېوادونو غوښتي چې مسلمانان پکې مېشت دي، څو د مذهبي ازادۍ ساتنه وکړي او د کرکې د خپرولو پر وړاندې کوټلي ګامونه واخلي

نوموړي په خپل پیغام کې ویلي چې د مذهب پر بنسټ کرکه، توپیر او ناوړه چلند د منلو وړ نه دی او باید په جدي ډول ورسره مبارزه وشي. هغه ټینګار کړی چې ټول خلک، پرته له دې چې د کوم مذهب پیروان وي، باید په امن او درناوي کې ژوند وکړي

انتونیو ګوتېرش زیاته کړې چې حکومتونه مسوولیت لري څو د خپلو وګړو حقونه خوندي کړي او داسې چاپېریال برابر کړي چې پکې زغم، یووالی او سوله پیاوړې شي. هغه همدارنګه د کرکې د وینا پر وړاندې د قانوني او ټولنیزو ګامونو پر اړتیا ټینګار کړی

کارپوهان وايي چې په وروستیو کلونو کې د اسلام پر ضد د کرکې پېښې زیاتې شوې دي او اړتیا ده چې نړیواله ټولنه په ګډه د دې ستونزې د حل لپاره هڅې وکړي. هغوی باور لري چې د پوهاوي لوړول او د متقابل درناوي وده کولای شي په دې برخه کې مهم رول ولوبوي