مقاله

کابل – راشد خان د کابل پر وروستیو بریدونو ژوره خواشیني څرګنده کړه

اشتراک گذاری:

کابل ـــــ راشد خان د کابل پر وروستیو بریدونو ژوره خواشیني څرګنده کړه

(سه شنبه،۲۶حوت۱۴۰۴)بریا نیوز

د افغانستان نومیالی لوبغاړی راشد خان پر کابل د وروستیو هوايي بریدونو له امله د ملکي وګړو د مرګ ژوبلې په اړه ژوره خواشیني څرګنده کړې ده

نوموړي ویلي چې د دې بریدونو له امله د سلګونو بې‌ ګناه خلکو وژل کېدل او ټپي کېدل ډېر دردوونکي دي او دا کار یې په کلکو ټکو غندلی دی. هغه دا بریدونه «وحشیانه» بللي او ټینګار یې کړی چې دا ډول کړنې د منلو وړ نه دي

راشد خان زیاته کړې: «زه په دې سخت وخت کې د خپل دردېدلي ملت تر څنګ ولاړ یم.» هغه همدارنګه له نړیوالو بنسټونو، په ځانګړې توګه د ملګرو ملتونو او د بشري حقونو له ادارو غوښتي چې د دې پېښې بشپړه څېړنه وکړي او د پېښې عاملین عدالت ته وسپاري

تر اوسه د دغو بریدونو په اړه بېلابېل غبرګونونه ښودل شوي او د پېښې د څرنګوالي په اړه د لا زیاتو معلوماتو غوښتنه کېږي. کارپوهان وايي چې د دې ډول پېښو دوام کولای شي د سیمې وضعیت لا پسې خراب کړي او د ملکي وګړو ژوند له جدي ګواښ سره مخ کړي