اقتصاد

اسد قیصر: د پاکستان او افغانستان د سوداګرۍ بندښت د پېښور اقتصاد ته زیان رسوي

اشتراک گذاری:

بریانیوز- دوشنبه ٢۵ جوز ١٤٠٥

د پاکستان د ملي اسمبلۍ غړي اسد قیصر د پاکستان او افغانستان ترمنځ پر سوداګریزو محدودیتونو نیوکه کړې او ویلي یې دي چې افغانستان د پېښور د صنعتي ودې لپاره یو مهم اقتصادي فرصت ګڼل کېږي

نوموړي په پارلمان کې په خپلو خبرو کې ویلي چې د سرحدي لارو بند پاتې کېدل د پېښور پر کاروبار او صنعت منفي اغېز کړی او د اقتصادي ستونزو د زیاتېدو لامل ګرځي

قیصر زیاته کړې چې په داسې حال کې د پاکستان په نورو لویو ښارونو کې له بېلابېلو هېوادونو سره سوداګریزې اړیکې روانې دي، خو پېښور له افغانستان سره د سوداګرۍ له مهم فرصت څخه بې‌برخې پاتې دی

هغه ټینګار کړی چې د سیاسي اختلافاتو اغېز باید پر اقتصادي اړیکو ونه لوېږي او له اسلام‌آباد او کابل څخه یې غوښتي چې د خبرو له لارې خپلې ستونزې حل کړي، څو د دواړو هېوادونو ترمنځ سوداګري او همکاري بېرته عادي حالت ته ستنه شي