سیاست

قطر: د امریکا او ایران د هوکړې هرکلی؛ د قطر لومړي وزیراو د بهرنیو چارو وزیر د خبرو د دوام غوښتنه وکړه

اشتراک گذاری:

قطر: د امریکا او ایران د هوکړې هرکلی؛ د قطر لومړي وزیراو د بهرنیو چارو وزیر د خبرو د دوام غوښتنه وکړه

بریانیوز- دوشنبه ٢۵ جوز ١٤٠٥

د قطر لومړي وزیر او د بهرنیو چارو وزیر شیخ محمد بن عبدالرحمن بن جاسم آل ثاني د امریکا او ایران ترمنځ د اوربند او سولې د لومړني توافق هرکلی کړی او دا پرمختګ یې د سیمه‌ ییز ثبات لپاره مهم ګام بللی دی

نوموړي په خپله د ټولنیزې شبکې «ایکس» په یوه پیغام کې ویلي چې قطر د دې هوکړې ملاتړ کوي او له ټولو لورو یې غوښتي چې د راتلونکو خبرو په بهیر کې د مثبت او رغنده دریځ له لارې ګډون وکړي، څو دا پرمختګ لا پیاوړی شي

هغه ټینګار کړی چې د ډیپلوماټیکو هڅو دوام کولی شي د کړکېچونو د کمېدو، د باور د فضا د رامنځته کېدو او د سیمې د اوږدمهاله ثبات لپاره زمینه برابره کړي

نوموړي همداراز د پاکستان له حکومت څخه د یاد شوي بهیر په برخه کې د رول ستاینه کړې، خو د دې یادونې نور جزئیات نه دي روښانه شوي

دا څرګندونې په داسې حال کې شوې چې د منځني ختیځ په اړه د نړیوالو ډیپلوماټیکو هڅو تمرکز د تاوتریخوالي د کمولو او د خبرو د دوام پر لور زیات
شوی دی