اخبار فوری
اسلام آباد: په افغانستان کې مېشت پاکستاني محصلین د تورخم له لارې د ستنېدو لپاره د اسانتیاوو غوښتنه کوي
فــــهــــيـــم شـاهـیـن
10 اسد 1405
52
اسلام آباد: په افغانستان کې مېشت پاکستاني محصلین د تورخم له لارې د ستنېدو لپاره د اسانتیاوو غوښتنه کوي
بریانیوز/ شنبه ( ۱۰ / اسد /۱۴۰۵هـ.ش)
افغانستان کې پر زدهکړو بوخت شاوخوا ۹۱۳ پاکستاني محصلینو په کابل کې د پاکستان له سفارت څخه غوښتي چې د تورخم له لارې پاکستان ته د دوی د بېرته ستنېدو لپاره ژر تر ژره اړینې اسانتیاوې برابرې کړي
د راپورونو له مخې، دغو محصلینو له سفارت څخه غوښتنه کړې چې د سفر د اسنادو، د تګ راتګ د همغږۍ او د تورخم له لارې د اوښتو بهیر چټک کړي، څو وکولای شي پرته له ځنډه خپل هېواد ته ستانه شي
ویل کېږي، ډېری دغه محصلین د افغانستان په بېلابېلو پوهنتونونو او د لوړو زدهکړو په مرکزونو کې پر زدهکړو بوخت دي او د پولې د تګ راتګ له ستونزو سره مخ شوي دي
تر اوسه په کابل کې د پاکستان سفارت د دغې غوښتنې په اړه رسمي څرګندونې نه دي کړې او دا هم نه ده معلومه چې د محصلینو د بېرته ستنېدو لپاره به کوم ځانګړي تدابیر ونیول شي
تورخم د افغانستان او پاکستان ترمنځ له مهمو سرحدي لارو څخه شمېرل کېږي او د دواړو هېوادونو د وګړو او سوداګریزو توکو د تګ راتګ لویه برخه له همدې لارې ترسره کېږي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl