صحّت

ډاکه : بنګله‌ دېش کې د شري ناروغۍ پراخېدل؛ له ۱۱۵ زرو ډېر کسان روغتونونو ته تللي

اشتراک گذاری:

ډاکه : بنګله‌دېش کې د شري ناروغۍ پراخېدل؛ له ۱۱۵ زرو ډېر کسان روغتونونو ته تللي

بریانیوز/ شنبه ( ۱۷ / اسد /۱۴۰۵هـ.ش)

بنګله‌دېش کې د شري ناروغۍ خپرېدو د روغتیايي خدمتونو پر وړاندې نوې اندېښنې راولاړې کړې دي. د دغه هېواد روغتیايي چارواکي وایي، د مارچ له میاشتې راهیسې له ۱۱۵ زرو ډېر کسان د شري ناروغۍ له امله روغتونونو ته مراجعه کړې ده

د بنګله‌دېش د روغتیايي خدمتونو ادارې د معلوماتو له مخې، د ناروغۍ د پراخېدو له امله ګڼې کورنۍ له روغتیايي او مالي ستونزو سره مخ شوې دي

د سرې میاشتې د راپور له مخې، له هرو لسو اغېزمنو کورنیو څخه شاوخوا نهه اړې شوې چې د خپلو ناروغانو د درملنې د لګښتونو د برابرولو لپاره پور واخلي

راپورونه وایي، د شري ناروغۍ له امله یو شمېر ماشومان هم مړه شوي دي، چې د ناروغۍ د پراخېدو په اړه یې د کورنیو او روغتیايي ادارو اندېښنې زیاتې کړې دي

اوس مهال د بنګله‌دېش سرې میاشتې ټولنه، د نړیوال فدراسیون په ملاتړ، له اغېزمنو کورنیو سره د مرستو ترڅنګ د شري د مخنیوي او عامه پوهاوي روغتیايي پروګرامونه هم پلي کوي

روغتیايي ادارې ټینګار کوي چې د ناروغۍ د لا پراخېدو د مخنیوي لپاره د ماشومانو واکسین، ژر تشخیص او پر وخت درملنه مهمه ده