سیاست

ولسمشر ډونالډ ټرمپ: له سپاه پاسداران سره پټ ارتباطي کانال لرو؛ ایران ادعا ردوي

اشتراک گذاری:

بریانیوز/سه شنبه ( ۲۶ / اسد /۱۴۰۵هـ.ش)

واشنګټن – د امریکا ولسمشر ډونالډ ټرمپ ادعا کړې چې هېواد یې له ایران د سپاه پاسداران سره یو پټ ارتباطي کانال لري او امریکايي چارواکي له دې لارې له سپاه سره مستقیمې خبرې کوي

ټرمپ د اسد په ۲۸مه له «فاکس نیوز» سره په خبرو کې ویلي، د ایران د اسلامي جمهوریت چارواکي باید د ده په وینا، «د تسلیمۍ سپین بیرغ پورته کړي

بلخوا، د سپاه پاسداران ویاند حسین محبي د ټرمپ ادعا په کلکه رد کړې او دروغ یې بللې ده. نوموړي ویلي چې د سپاه پاسداران او امریکايي چارواکو ترمنځ هېڅ ډول خبرې اترې نه ترسره کېږي

محبي ادعا کړې چې ټرمپ د دغو څرګندونو له لارې هڅه کوي د تېلو پر نړیوالو بیو اغېز وکړي او بازارونه تر خپل نفوذ لاندې راولي

د امریکا او ایران ترمنځ دا تازه لفظي شخړه په داسې مهال رامنځته شوې چې د دواړو هېوادونو ترمنځ سیاسي او پوځي ترینګلتیا زیاته شوې او د سیمې د امنیت او د انرژۍ د بازارونو په اړه نړیوالې اندېښنې هم پراخې شوې دي