مقاله

یونیسف: ښوونځي باید د ماشومانو لپاره خوندي ځایونه وي

اشتراک گذاری:

بریانیوزچهار شنبه ( ۲۶ / اسد /۱۴۰۵هـ.ش)

کابل – د ملګرو ملتونو د ماشومانو د ملاتړ صندوق (یونیسف) په کابل کې پر یوه ښوونځي د چاودنې او د لسګونو ماشومانو د ټپي کېدو په اړه ژوره اندېښنه څرګنده کړې ده

یونیسف د زمري پر ۲۷مه په یوه خبرپاڼه کې د پېښې له امله له اغېزمنو کورنیو سره خپله خواخوږي څرګنده کړې او د ټپي شوو ماشومانو د ژر روغېدو هیله یې کړې ده

دغه سازمان ټینګار کړی چې ښوونځي باید تل د ماشومانو لپاره خوندي چاپېریال وي او هېڅ ماشوم باید د زده‌کړې پر مهال د تاوتریخوالي او ناامنۍ له ګواښ سره مخ نه شي

یونیسف له ټولو اړخونو غوښتي چې د ماشومانو خوندیتوب، کرامت او اساسي حقونه خوندي کړي او د هغوی پر وړاندې د هر ډول تاوتریخوالي مخه ونیسي

د ماشومانو د ملاتړ دغه نړیوال بنسټ ویلي چې ماشومان باید له وېرې او ګواښ پرته زده‌کړو ته دوام ورکړي او ښوونیز مرکزونه باید د تاوتریخوالي له هر ډول پېښې څخه خوندي وساتل شي