سیاست

ټرمپ: له ایران سره اوس د خبرو هېڅ پلان نشته

اشتراک گذاری:

بریانیوزچهار شنبه ( ۲۶ / اسد /۱۴۰۵هـ.ش)

د امریکا ولسمشر ډونالډ ټرمپ وايي، په اوسني وخت کې له ایران سره د مذاکراتو لپاره هېڅ ډول پلان نشته او د تهران او واشنګټن ترمنځ د خبرو کومه نوې ناسته هم نه ده ټاکل شوې

ټرمپ پر «ټروټ سوشل» لیکلي چې د ایران پر وړاندې د امریکا سمندري محاصره لا هم روانه ده او د هغه په وینا، د هرمز تنګی هم پرانیستی دی

نوموړي په داسې حال کې د مذاکراتو د نه پلانېدو خبره کړې چې د هغه زوم، جرد کوشنر، دوه ورځې وړاندې له تهران سره د ترسره شوو خبرو په اړه مثبت نظر څرګند کړی و

امریکايي سرچینې وايي، ټرمپ اوس غواړي د نوي احتمالي تړون په اړه له تهران څخه د جدي چمتووالي او څرګند دریځ څرګندېدو ته انتظار وکړي

د امریکا او ایران ترمنځ د خبرو د راتلونکي په اړه دا څرګندونې داسې مهال کېږي چې د دواړو هېوادونو ترمنځ د هرمز تنګي، امنیتي مسایلو او د احتمالي نوي تړون پر سر اختلافات لا هم دوام لري. د هرمز تنګي وضعیت د نړیوالې انرژۍ او سوداګرۍ لپاره هم مهم بلل کېږي