سیاست

ملګري ملتونه: پر سوریه د اسرائیلو هوايي بریدونه باید ودرول شي

اشتراک گذاری:

بریانیوزچهار شنبه ( ۲۶ / اسد /۱۴۰۵هـ.ش)

نیویارک – ملګرو ملتونو په سوریه کې د اسرائیلو وروستي هوايي بریدونه په کلکه غندلي او ویلي یې دي چې دا ډول بریدونه د سوریې د حاکمیت او هوايي حریم جدي سرغړونه ده

د ملګرو ملتونو ویاند سټیفن دوجاریک ویلي، پر سوریه د اسرائیلو هوايي بریدونه باید سمدستي ودرول شي. نوموړي ټینګار کړی چې د سوریې ځمکنۍ بشپړتیا او حاکمیت باید درناوی شي

د راپورونو له مخې، اسرائیلي الوتکو د سوریې د ادلب ولایت په ابوظهور هوايي اډه بریدونه کړي دي. اسرائیلي چارواکي ادعا کوي چې په دغو بریدونو کې یې د ترکي ځواکونو پرمختللي پوځي سیستمونه په نښه کړي دي

د اسرائیلو د لومړي وزیر بنیامین نتانیاهو دفتر ویلي، د سوریې په شمال کې د ترکیې د پوځي حضور زیاتېدل د اسرائیلو د امنیت لپاره د اندېښنې وړ دي

ملګرو ملتونو په داسې حال کې د بریدونو د درولو غوښتنه کړې چې د سوریې پر خاوره د اسرائیلو پوځي عملیاتو د سیمې د امنیت او ثبات په اړه اندېښنې زیاتې کړې دي