سیاست

محسن داوړ: د افغانستان خپلواکي او ملي هویت له جدي ګواښونو سره مخ دي

اشتراک گذاری:

بریانیوزپنجشنبه ( ۲۹ / اسد /۱۴۰۵هـ.ش)

اسلام‌اباد – د ملي ډیموکراتیک غورځنګ مشر محسن داوړ وایي، د افغانستان د خپلواکۍ ۱۰۷مه کلیزه په داسې شرایطو کې نمانځل کېږي چې د دغه هېواد ملي هویت او خپلواکي یو ځل بیا له سختو ګواښونو سره مخ دي

داوړ ویلي، افغان ولس د تاریخ په اوږدو کې له ګڼو سختو ازموینو سره مخ شوی، خو د مقاومت او ټینګښت له لارې یې له دغو ننګونو څخه د وتلو توان ثابت کړی دی

نوموړي ټینګار کړی چې افغانان به د اوسنیو ستونزو پر وړاندې هم بریالي شي او د خپل هېواد د راتلونکي لپاره به خپلې مبارزې ته دوام ورکړي

د ملي ډیموکراتیک غورځنګ مشر هیله څرګنده کړې چې افغانستان به یو ځل بیا له اوسنیو ستونزو راووځي، پرمختګ وکړي او د سیمې په کچه به د ثبات او پرمختګ پر لور ګامونه واخلي

هغه ویلي، د افغانستان تاریخ د دې هېواد د خلکو د مقاومت، قربانۍ او له سختو شرایطو سره د مقابلې څرګند ثبوت دی