صحّت

پاکستان حکومت د عمران خان روغتون ته د لېږدولو د پرېکړې بیاکتنه غواړي

اشتراک گذاری:

بریانیوزپنجشنبه ( ۲۹ / اسد /۱۴۰۵هـ.ش)

اسلام‌اباد – د پاکستان فدرالي حکومت د پخواني لومړي وزیر عمران خان روغتون ته د لېږدولو په اړه د سترې محکمې د پرېکړې د بیاکتنې رسمي غوښتنه کړې ده

د اسلام‌اباد یوه لوړپوړي دولتي چارواکي د سترې محکمې پرېکړه ننګولې او په خپله عریضه کې یې ادعا کړې چې د عمران خان د روغتون ته د لېږدولو حکم د محکمې له قانوني صلاحیت څخه بهر دی

بلخوا، د پاکستان تحریک انصاف ګوند د سترې محکمې پرېکړه مثبت ګام بللی او له هغې یې ملاتړ کړی دی. دغه ګوند ټینګار کړی چې د عمران خان روغتیا او د درملنې حق باید له سیاسي مسایلو جلا وکتل شي

د محکمې د حکم له مخې، د عمران خان د روغتیا د ارزونې او درملنې لپاره به یو ځانګړی طبي بورډ هم جوړېږي، څو د نوموړي روغتیايي وضعیت وڅېړي او د درملنې په اړه لازمې سپارښتنې وکړي

د حکومت له لوري د پرېکړې د بیاکتنې غوښتنه داسې مهال شوې چې د عمران خان د روغتیا او د هغه د درملنې د څرنګوالي موضوع په پاکستان کې له مهمو سیاسي او حقوقي بحثونو څخه ګرځېدلې ده