سیاست

ستانکزی: د مخالفانو ځپل د افغانستان ستونزې نه شي حل کولی

اشتراک گذاری:

بریانیوزشنبه ( ۳۱ / اسد /۱۴۰۵هـ.ش)

کابل – د افغانستان د ملي امنیت پخواني رییس معصوم ستانکزي د طالبانو له لوري د مخالفانو پر وړاندې د تاوتریخوالي او د وژل شویو کسانو له جسدونو سره د بې‌احترامۍ په اړه اندېښنه څرګنده کړې ده
ستانکزي ویلي، د مخالفانو ځپل او له جسدونو سره ناسم چلند د اسلامي او انساني اصولو خلاف عمل دی او د هېواد روانې ستونزې نه شي هوارولی
نوموړي ټینګار کړی چې د افغانستان د تېرو پنځو لسیزو تجربو ښودلې چې د وژنو، نیونو او زور له لارې د سیاسي او ټولنیزو ستونزو حل ممکن نه دی
د ملي امنیت پخواني رییس ویلي، د طالبانو دوامداره سخت دریځ او له مخالفانو سره د تاوتریخوالي چلند کولی شي په هېواد کې سیاسي او ټولنیز کړکېچونه لا زیات کړي او د ستونزو د حل لارې نورې هم پېچلې کړي
ستانکزي ټینګار کړی چې د افغانستان د اوسنیو ستونزو د هواري لپاره باید د زور پر ځای سیاسي تفاهم، عدالت او د ټولو اړخونو ترمنځ خبرې اترې د حل لارې په توګه وکارول شي