مقاله

ملګري ملتونه: ایران په تېرو اتو میاشتو کې ۴۳۹ زره افغانان ایستلي دي

اشتراک گذاری:

(بریانیوز جمعه (۲۷/ سنبله /۱۴۰۵هـ.ش

د ملګرو ملتونو د کډوالو عالي کمېشنرۍ ویلي، ایران په تېرو اتو میاشتو کې شاوخوا ۴۳۹ زره افغان وګړي له خپل هېواده ایستلي او افغانستان ته یې ستانه کړي دي

د معلوماتو له مخې، د افغان کډوالو د بېرته ستنېدو بهیر په وروستیو میاشتو کې چټک شوی او زرګونه افغانان د ایران له بېلابېلو سیمو څخه افغانستان ته ستانه شوي دي

د ملګرو ملتونو د کډوالو عالي کمېشنرۍ ویلي، د ایران له لوري د افغانانو د ایستلو ترڅنګ، یو شمېر نور افغانان هم په خپله خوښه افغانستان ته ستانه شوي دي

د بېرته ستنېدونکو افغانانو له ډلې یو شمېر کسان له اقتصادي ستونزو، د کار نشتوالي او په افغانستان کې د لومړنیو اړتیاوو د برابرولو له ننګونو سره مخ دي

ملګري ملتونه ټینګار کوي چې له ایران څخه د راستنېدونکو افغانانو د اړتیاوو د پوره کولو لپاره د مرستو او خدمتونو برابرول مهم دي، په ځانګړي ډول د هغو کورنیو لپاره چې له محدودو امکاناتو سره افغانستان ته ستنېږي