اخبار فوری
هند: پاکستان ته غیر مستقیم خبرداری ورکړی: له خپلو پولو بهر دې د تـرهـګرۍ ملاتړ پای ته ورسوي
فــــهــــيـــم شـاهـیـن
08 عقرب 1404
135
د هندوستان حکومت په غیر مستقیم ډول پاکستان ته خبرداری ورکړی چې نور به د افغانستان پر خاوره بریدونه او د تـرهـګريزو ډلو ملاتړ ونه زغمي
د هند د بهرنيو چارو وزارت وياند، رندير جايسوال، د پنجشنبې په ورځ په یوه خبري غونډه کې وویل چې اسلاماباد نور نهشي کولی له خپلو ملي پولو بهر د تـرهـګرۍ ملاتړ وکړي او دا حالت نور د زغملو نهدی
هغه زیاته کړه: “پاکستان باید درک کړي چې سیمه نور د تاوتریخوالي د پالیسۍ زغملو توان نهلري. موږ د افغانستان د حاکمیت، ځمکنۍ بشپړتیا او خپلواکۍ ته ژمن یو او غواړو چې د دغه هېواد خلک په امن او ثبات کې ژوند وکړي
د هند د دې څرګندونو شاليد د پاکستان او افغانستان ترمنځ د وروستیو سرحدي نښتو وروسته راڅرګند شوی، چې دواړو هېوادونو ته یې پوځي او سیاسي تاوتریخوالی زیات کړی دی
هند له اوږدې مودې راهیسې پر پاکستان تور پورې کوي چې د سیمهیزې بېثباتۍ لپاره د تـرهـګرۍ ملاتړ کوي، خو پاکستان دا تورونه تل رد کړي او وايي چې خپله له تـرهـګرۍ قرباني دی
شنونکي وایي، د هند دا تازه څرګندونې ښيي چې نوي ډیلي غواړي د افغانستان د امنیتي وضعیت په اړه خپله سیمهیزه دریځ لا څرګند کړي او پر پاکستان فشار زیات کړي، څو نور د “پټو لوبو” سیاست پای ته ورسوي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF