مقاله

واشنګټن — د امريکا د استازو جرګې د ديموکراتانو مشر د ايران پر وړاندې د جګړې مخالفت څرګند کړ

اشتراک گذاری:

بریانیوز(دوشنبه، ١۸ حوت ١٤٠٤)

د امريکا د استازو جرګې د ديموکراتانو مشر حکيم جفريز د ايران پر وړاندې د جګړې د تګلارې پر ضد څرګندونې کړې او ويلي يې دي چې جګړه د خلکو خوښه نه ده او واکمنان بايد د ولس د ژوند د ستونزو د کمولو لپاره هڅې زياتې کړي

نوموړي وويل چې د هېواد مشران بايد د جګړې پر ځای د خلکو د ورځني ژوند ستونزو ته پاملرنه وکړي. د ده په وينا د ولس ستره غوښتنه دا ده چې د ژوند لوړې بيې راکمې شي، د کار زمينې زياتې شي او د کورنيو اقتصادي حالت ښه شي

هغه زياته کړه: «موږ د امريکايي ځواکونو د لېږلو ملاتړ نه کوو او نه غواړو چې هېواد يوې اوږدې او نه پاى ته رسېدونکې جګړې ته داخل شي.»

د ده په وينا جګړه نه يوازې د خلکو ژوند له ګواښ سره مخ کوي بلکې د هېواد پر اقتصاد هم دروند اغېز کوي

دا څرګندونې په داسې وخت کې کېږي چې د امريکا او ايران ترمنځ کړکېچ زيات شوی او د سيمې د راتلونکې په اړه اندېښنې ډېرې شوې دي. سياسي شنونکي وايي چې ډېری خلک باور لري چې ستونزې بايد د خبرو، جوړجاړي او سوله ييزو لارو حل شي، نه د جګړې له لارې