مقاله

کابل —د افغانستان او چين کتنه؛ د سولې او يووالي لپاره خبرې

اشتراک گذاری:

بریانیوز(دوشنبه، ١۸ حوت ١٤٠٤)

د افغانستان د بهرنيو چارو وزارت وايي چې د چين د افغانستان چارو ځانګړي استازي يو شياويونګ د افغانستان د بهرنيو چارو له سرپرست وزير اميرخان متقي سره کتنه کړې ده

د وزارت د څرګندونو له مخې په دې کتنه کې د افغانستان او چين ترمنځ د دوه اړخيزو اړيکو د پراخېدو، د سيمې د وروستيو بدلونونو او د پاکستان له لوري د افغانستان خاورې ته د اوښتو په اړه خبرې شوې دي

د چين استازي ويلي چې هېواد يې غواړي د افغانستان او پاکستان ترمنځ روانې ستونزې د خبرو او سوله ييزو لارو له لارې هوارې شي، څو په سيمه کې تاوتريخوالی زيات نه شي.

هغه زياته کړې چې چين په دې اړه له پاکستاني لوري سره هم اړيکې لري او هڅه کوي چې د دواړو هېوادونو ترمنځ کړکېچ راکم شي او د سيمې ارامي وساتل شي

په دې کتنه کې اميرخان متقي د افغانستان دريځ هم څرګند کړی او ويلي يې دي چې افغانستان د ستونزو د حل لپاره سوله ييزې لارې لومړيتوب ګڼي او هڅه کوي چې د کړکېچ کچه لوړه نه شي. نوموړي ټينګار کړی چې د هېواد او خلکو ساتنه د افغانانو روا حق دی